Tuisblad

Steggies

Kleuterskool en Nasorg

Die maak van steggies behels tipies dat ‘n klein gedeelte van ‘n ouer-plant verwyder word. Deur die steggie dan van die regte sorg, klimaat, groeimedium en ander  hulpmiddels te voorsien, word die steggie aangemoedig om sy eie wortelstelsel te vestig en as ‘n onafhanklike plant te groei.

‘n Liefdevolle omgewing met pragtige natuurskoon, individuele aandag en ‘n familie-oriëntasie is vir ons sleutel tot sukses. Saam met die ouers wil ons by die plaas-skool ‘n groei-medium en klimaat help skep waarin kinders hulself kan wortel en ontwikkel tot hul volle potensiaal as gebalanseerde en vrydenkende individue!

Ons is sedert  vroeg in 2014 op die plaas in Devonvallei, Stellenbosch, op dreef met ons eerste klassie. Met ingang 2015 het ons oorgeskuif na die lieflike groot plaashuis met sy gevestigde tuin. Dis werklik ‘n skool met ‘n huislike atmosfeer – ruim en openhartig! Hier kan kinders leer deur speel na hartelus. Kom besoek ons gerus om te kyk hoe dit lyk en wat ons als bied.